الفتاة المعاقة

كتير اوى مش بقلب الشاى كويس ، واجى اشربه الاقيه مش مسكر ومش مظبوط ، وبكسل اجيب سكر تانى

فبضطر اشربه كده .. اللى بيضايقنى بقى انى بعد ما اخلص شرب الشاى بلاقى السكر مركون تحت

يعنى لو كنت قلبت شوية كان زمانى شربت شاى مظبوط ..

تعالى كده نفصص المشكلة دى

اول حاجة المشكلة ايه :

( انى ما عرفتش اشرب شاى مظبوط )

طيب وايه السبب ؟!

( 1 ) انى ما قلبتش الشاى كويس وانا بعمله ..

(( يعنى استهترت وانا بعمل الحاجة ))

(2) انى كسلت اجيب سكر تانى

(( يعنى اتكاسلت عن حل المشكلة رغم انها فى ايدى ))

طيب والنتيجة ايه (( نتيجة المشكلة والاسباب اللى ادت ليها ))

- النتيجة انى ما استمتعتش بالشاى ..

- وانى ضيعت مجهودى وما وصلتش للنتيجة اللى عايزاها
_____________________________

عارفين ان كلنا بنعمل الحركة دى بطرق مختلفة ؟؟

كتيييييييييييييييييير اوى بنستهتر واحنا بنعمل شغلنا ..
وكتيييييييييييييييييير اوى بنكسل نحل المشاكل رغم ان حلها فى ايدينا

وبعد دا كله نندم وندور على حلول صعبة ومتعبة رغم ان الحل اصلا فى ايدينا وجوا الكوباية

علشان كده علشان خااااااااااااااااااطرى اضغط على نفسك وابقى قلب كويس

قلب كويس واعمل كل حاجة كويس

حتى لو تعبت فى الاول بس صدقنى النتيجة هتفرق كتير

فعلا اختي الحبيبة
ان الله يحب اذا عمل احدكم عملا ان يتقنه

واحيانا يؤدي عدم الاتقان الي الفشل الزريع رغم وجود كل مقومات النجاح

ولكن التقاعس والتكاسل يعكس النتيجة حتما

شكرا لك اختي الحبيبة فموضوعاتك متميزة دائما

جزاك الله خيرا وجعله في ميزان حسناتك

وهقلب الشاي كويس عشان خاطرك

أحسنت أختى الكريمة وبارك الله فيكى
مثال رائع الذى عرضتيه ، وأنا بحب أقلب الشاى كويس جداً واللهِ
لأن حبيبنا محمد صلى الله عليه وسلم نادى بإتقان العمل
وقال " إذا عمل أحدكم عملاً فليتقنه" صدق رسول الله صلى الله عليه وسلم
والآيات القرآنية كثيرة جداً التى تحض على العمل وإتقانه
" يقول سبحانه وتعالى " إن الله لا يضيع أجر من أحسن عملاً " صدق الله العظيم
بارك الله فيكى أختى وجزاكى الله خيراً

شكرآ لك أختي الكريمة على هذاالموضوع
وفعلآ كلامك صحيح فعندما نتكاسل ونتخاذل عن حل المشاكل
وهي صغيرة وفي بدايتها يجعلنا نعاني من تفاقم هذه المشاكل
وصعوبة حلها في النهاية